رسالة الناشط السياسى حمدى قشطة لاعلان اضرابه عن الطعام

رسالة الناشط السياسى حمدى قشطة لاعلان اضرابه عن الطعام
بسم الله الرحمن الرحيم
من اجل حريتى
واحشانى جدا يا حرية و اعرفى كويس انه مينفعش تتقيدى او مش اشوفك حتى لو ده كلفنى موتى
انتى تستحقى ده ، حرية الارض تستحق ده عدم التفريط فى ارضنا يستحق ده سماع صوت عياطك و انتى لسه صغيره يستحق ده اتأكدى انى هوصلك و هعيشك و هحضنك
اعرفى انى رافض اتحبس و اتحاكم فى قضيتين بتهمة واحده تهمة انى رافض بيع ارض البلد و قولت انهم مصريتين اه و الله متستغربيش
الارض اللى استشهد فيها و اتأسر جنود زى و زيك يا حريه مصريين
و عايزك تكونى متأكده تماما انهم فعلا مصريتين دم الجنود اللى استشهدوا فيها هو اللى قال قبل ما يقول الورق و التاريخ و المواثيق و الاتفاقيات و بعد كده حكم محمة اكد انهم مصريتين و لا يجوز التفريط فيها
و رغم كل ده اتحكم عليا بـ 3 سنين و مائة الف جنيه غرامه
يا حرية اصلا قالولنا زمان ان الدفاع عن ارض الوطن واجب و شرف
و قالولنا دلوقتى انك موجوده و مكفولة فى الدستور و رغم كده لما بنعتمد على وجودك بيحبسونا
و خلى بالك يا حرية معنديش غير السلميه طريق ليكى
و خلى بالك يا حرية السلميه طريقك و مبدأك
و يهون اى شئ فى سبيل انى اعيشك و احضنك
بصي انا قررت انى اضرب عن الطعام من النهارده الخميس 21/7/2016 الساعة 122 منتصف الليل يا اما اموت او اعيش بيكى و ليكى
أنا مصري بدافع عن ارضى مكانى مش السجن أنا مضرب من اجل حريتى
و أولا و أخيرا مـــــــــوكــــــــا
حمدى قشطة
الخميس 21/7/2016
#الحرية_لمعتقلى_الارض
#انا_عندى_حرية